Foruma mierkis – pasavērt, kai i kaidūs vierzīņūs atsateista DH Igaunejā, Latvejā i Lītuvā, puordūmuot šudiņ aktualū i prognozēt, kas myus sagaida tyvuokajā nuokūtnē. Puorskotā par pādejūs pīcūs godūs padareitū Rēzeknis Tehnologeju akademeja tyka pīmynāta storp nūzeimeiguokajim digitalūs resursu veiduotuojim Latvejā.
Foruma ūtruo dīna tyka organizāta kai teikluošonuos platforma, kurā beja īspieja īsapazeit ar Baltejis DH kūpīnu pīredzi, rast kontaktus tuoļuokai sadarbeibai, prezentēt projektus, demonstrēt izveiduotūs digitalūs resursus, reikus, kai ari izgleiteibys iniciativys. RTA filologi īpazeistynova kolegus ar vairuoku projektu rezultatim:
Vysys foruma prezentacejis atrūnamys sātys lopā: Digital Humanities in Latvia - Baltic DH Forum.
Entuziastiskuo RTA filologu komanda (Sanita Martena, Antra Kļavinska, Ilga Šuplinska, Angelika Juško-Štekele, Ingars Gusāns, Anna Briška, ka ari projektu eksperte, Adama Mickeviča Universitatis profesore Nikole Naua (Nicole Nau)) turpynoj dorbu, lai latgalīšu volūda byutu plošuok lītuota ari tehnologejuos.
Antra Kļavinska, projekta “Atvērtas un FAIR principiem atbilstošas digitālo humanitāro zinātņu ekosistēmas attīstība Latvijā” (DHELI, Nr. VPP-IZM-DH-2022/1-0002) koordinatore
Foto: Anna Briška, Jānis Brencis